Chámase así porque empeceino cando collín o tren en Vigo e case o remato no traxecto. Só me quedaron as últimas catro voltas que fixen na casa.
O patrón é moi sinxelo, se alguén sabe facer amigurumis é o mesmo, trabállase por voltas e os aumentos van de 6 en 6 pontos.
Recomendo facer proba de tensión porque lendo o patrón convenceráme de que precisaba un ganchillo de 6 mm e con un de 5 mm apañoume a cousa, e iso que eu traballo moi apretado.
O de afieltralo foi unha cousa rara, intenteino facer a man. pero non o recomendo, o auga quente non é suficiente, hai que frotalo enérxicamente, así que direitiño para a lavadora metendo no bombo algunha cousa mais para que teña algo para frotarse. Eu usei un albornoz.
Metino a 60º, co programa curto e non o deixei centrifugar, escurrín o auga, quiteille outra pouca cunha toalla seca e logo púxeno a secar un rato no pino que vedes na foto e outro rato envolto noutra toalla.
Eiquí o enlace do meu proxecto o Ravelry, para velo hai que estar subscrito, pero vaia, eiquí poño prácticamente o mesmo.
O patrón é Fine Feathered Cap by Linda Cyr da Revista Crochet Today.
A lá é Debbie Bliss Donegal Luxury Tweed Aran, en rosa e gris.
Inda me sobrou un bó anaco de lá, así que teño pensado facerlle un lazo para adornalo.
Bicos e deica.
5 comentarios:
É precioso, agora a poñelo guapa!
Como mola tecer no tren! :D
Pois si que che cunde a viaxe no tren. Nun ano tes pra unha tenda. Quedouche moi ben o "afieltramiento", por certo. Non sabía que se facía esí
gústame moito e vese moi quentiño!, a min tamén encántame facer ganchillo porque o podes facer en calquera sitio, esta semana tiven que viaxar a Valladolid e antes de chegar a A Gudiña xa tiña feito o gorro e a bufanda, os que ian comigo non o podían crer...
bicos
es muy bonito! y tiene una pinta de calentito estupenda!!
Publicar un comentario